Monday, July 5, 2010

ပွဲကြည့်သူသက်သက်...

နင့်ခံစားချက်အံဆွဲကို
နင်ဆွဲဖွင့်ပြတော့ အစကဗလာနတ္ထိ
ပ၀ါလေးအုပ်လို့ ပြန်ဖွင့်ပြတော့
ငါ့အတွက် အချစ်တွေအပြည့်
အံ့ရော!!!
ငါ့နေ့စွဲတွေကို ဒိုင်ယာ၇ီထဲအရောက်ပို့
အမှတ်ရစရာတွေအဖြစ်ဖန်တီးပေးလို့
နင်ငါ့ကိုမျက်လှည့်ပြခဲ့တယ်နော်
တကယ်ပဲမျက်လှည့်ဆိုတဲ့အတိုင်း
ခဏအတွင်း နင်ပျောက်သွားခဲ့ပြန်တယ်
နင့်ကိုရှာခဲ့တဲ့ ငါ့နေ့စွဲတွေကို ကြည့်တော့
ဝေခွဲမရခြင်းနဲ့ မျက်ရည်တွေ ပြည့်လို့
နောက်ဆုံး နင့်ခံစားချက်အံဆွဲကို
(နင်သော့မခတ်ခင်)
ငါပြန်ဖွင့်ကြည့်တော့
ငါ့အတွက်ဆိုတဲ့ အချစ်တွေ
ပျောက်ကုန်ပါပေါ့လား
နင် မျက်လှည့်ပြသွားခဲ့ပြန်တယ်
နင့်ရဲ့ ငါ့အတွက် နောက်ဆုံးပြကွက်
ပြောင်မြောက်လွန်းလို့
ငါလက်ခုပ်တီးမိတယ်
ဆို့နင့်နေတဲ့ နှလုံးသားနဲ့ မျက်ရည်တွေကြားကပေါ့....။
Posted by at No comments:
Labels:

ဂျူလိုင် 4

စိန်ပန်းတွေ ပွင့်တာ
ဒါနောက်ဆုံးလား
ဒီနှစ်အတွက် နောက်ဆုံးလား

နင့်အချစ်တွေပေးခဲ့တာ
ဒီနေ့ကနောက်ဆုံးလား
တစ်သက်တာအတွက် ဒီနေ့ကနောက်ဆုံးလား....။
Posted by at No comments:
Labels:

5မိနစ်ပဲလွမ်းတယ်

နင် ငါ့ရင်ဘတ်တံခါးကိုလာခေါက်တယ်
ငါဖွင့်ပေးအောင် နင်လာဘ်ထိုးတယ်
ချစ်ခြင်းမေတ္တာနဲ့ ပျော်ရွှင်မှုတွေကို
နင်ထုပ်ပိုးပြီး ငါ့ကိုလာဘ်ထိုးတယ်
ငါ့အတွက်လိုအပ်တဲ့အရာမို့ ငါလက်ခံပြီး
နင့်ကိုငါယုံကြည်ခဲ့တယ်
အချိန်ကြာတော့
ငါလက်က စေးပျစ်ပျစ်ဖြစ်လာတယ်
ဘာများလဲလို့ ငါစမ်းကြည့်တော့
ယိုဖိတ်နေတဲ့ ငါ့နှလုံးသွေးတွေပါလား
ငါ့မြင်ကွင်းေ၀၀ါးလာတယ်
ဘာများလဲလို့ ငါသုတ်လိုက်တော့
မျက်ရည်တွေဖြစ်နေတယ်
အမြဲနင့်ဘေးမှာရပ်တည်မယ်လို့ ပြောခဲ့တဲ့နင်က
ငါ့ကိုလက်ပိုက်ကြည့်လို့
ငါ့ကျရှုံးခန်းကို နင်ထိုင်ဟားနေလိုက်တာများ
နင့်ရယ်သံက လောကကြီးကို ဖုံးလွှမ်းလို့တောင်နေတယ်
ရယ်လိုက်စမ်း ရယ်လိုက်စမ်းပါ
ဒါပေမယ့်
ငါ့ရင်က အနာကျက်တာ မြန်ပါတယ်ဟ...။
Posted by at No comments:
Labels:
Subscribe to: Posts (Atom)